Policia e Durrësit finalizoi operacionin “Storm 5”, duke arrestuar dy kineze, 54 dhe 40 vjeçe, dhe pronarin shqiptar të apartamenteve që kishin marrë me qira pa kontrata dhe i kishin përshtatur për prostitucion në lagjen nr. 13.
Dyshohet se komunikimi me klientët bëhej përmes një call center-i jashtë Shqipërisë, që nënkupton përfshirje të një rrjeti ndërkombëtar.
Gjithashtu, u proceduan penalisht edhe 5 shqiptarë të tjerë për veprën penale “Prostitucioni”.
Në cilësinë e provave u sekuestruan pasaporta, para, celularë dhe karta bankare. Hetimet vazhdojnë në bashkëpunim me Prokurorinë e Durrësit.
