Përfaqësuesi i Posaçëm i Bashkimit Evropian për Dialogun Kosovë-Serbi, Peter Sorensen, ka zhvilluar takime me presidenten Vjosa Osmani dhe kryeministrin Albin Kurti, ku diskutuan implementimin e Marrëveshjes së Ohrit.
Ai theksoi se, për shkak të situatës politike aktuale në Kosovë, procesi mund të marrë më shumë kohë për t’u realizuar, por kjo është një pjesë e natyrshme e bisedimeve.
Sorensen shtoi se ky ishte një takim i rregullt në kuadër të mandatit të tij dhe është i kënaqur për mundësinë e vazhdimit të dialogut për zbatimin e marrëveshjeve të arritura mes dy vendeve.
