Një zjarr masiv ka përfshirë rajonin Aude në jug të Francës, duke shkaktuar vdekjen e një gruaje dhe plagosjen e nëntë personave të tjerë, përfshirë shtatë zjarrfikës dy prej të cilëve ndodhen në spital.
Një person rezulton ende i zhdukur.
Zjarri, që shpërtheu më 6 gusht, ka përfshirë mbi 11.000 hektarë tokë dhe ka dëmtuar apo shkatërruar të paktën 25 banesa.
Më shumë se 1.500 zjarrfikës janë mobilizuar për të përballuar situatën, e cila mbetet kritike.
Autoritetet paralajmërojnë se flakët mund të vazhdojnë për disa ditë për shkak të kushteve të pafavorshme dhe temperaturave të larta, ndërsa shkencëtarët e lidhin përhapjen e zjarreve me ndikimin e ndryshimeve klimatike.
