Tailanda dhe Kamboxhia ranë dakord për një plan armëpushimi prej 13 pikash për të qetësuar tensionet përgjatë kufirit të tyre të diskutueshëm, pas pesë ditësh përleshjesh të armatosura muajin e kaluar.
Marrëveshja u arrit gjatë një takimi të Komitetit të Përgjithshëm Kufitar në Kuala Lumpur, Malajzi, me mbështetjen e Malajzisë si lehtësuese e dialogut.
Kryeministri malajzian Anwar Ibrahim theksoi rëndësinë e vazhdimit të dialogut dhe respektit të ndërsjellë për ruajtjen e paqes. Marrëveshja përfshin respektimin e armëpushimit, shmangien e veprimeve provokuese dhe mbrojtjen e civilëve.
Tensionet mes dy vendeve përfshijnë provincën Preah Vihear në Kamboxhia dhe provincën Ubon Ratchathani në Tajlandë, ku përleshjet e fundit shkaktuan dhjetra viktima mes forcave ushtarake dhe civilëve.
