Ministri i Mbrojtjes, Pirro Vengu ka ndjekur nga afër operacionin për shuarjen e zjarreve në fshatrat Lofkënd dhe Drenie, në zonën mes bashkisë së Patosit dhe asaj të Mallakastrës. Në terren po vijon ndihma nga ajri nga Forcat e Armatosura.
Në operacion për shuarjen e flakëve janë angazhuar 2 automjete zjarrfikëse të FA-së, 3 zjarrfikëse nga bashkia Patos, 1 zjarrfikëse nga bashkia Mallakastër, 1 zjarrfikëse nga bashkia Lushnjë, 1 zjarrfikëse nga bashkia Fier, 2 mjete të kompanisë Albpetrol dhe 1 zjarrfikëse nga bashkia Roskovec.
Vengu ka vlerësuar profesionalizmin dhe përkushtimin e të gjitha forcave të angazhuara. Ai ka theksuar se mbrojtja e jetës së qytetarëve dhe e mjedisit mbetet një prioritet absolut.
