Kreu i Partisë Demokratike, Sali Berisha, ka akuzuar kryeministrin Edi Rama për një “sulm brutal ndaj fjalës së lirë” pas ndërhyrjes së policisë në ambientet e News24.
Berisha e quajti mbylljen e sinjalit të televizionit një akt hakmarrjeje të qeverisë ndaj raportimeve të pavarura, ndërsa e krahasoi me varjen e poetit Havzi Nela në diktaturë. Ai kërkoi largimin e menjëhershëm të forcave të policisë dhe rikthimin e transmetimit.
Nga ana tjetër, Avokatura e Shtetit thotë se ndërhyrja është rezultat i një vendimi gjyqësor që urdhëron lirimin e godinës pas përfundimit të kontratës së qirasë që në vitin 2022.
