Ministria e Shëndetësisë në Gaza, raportoi 11 vdekje të reja nga kequshqyerja, duke e çuar numrin total të viktimave në 212, ku 98 janë fëmijë.
Gjatë 24 orëve të fundit, të paktën 38 persona u vranë dhe 491 u plagosën nga sulmet ushtarake izraelite.
Mediat izraelite raportojnë se qeveria synon që brenda dy muajve të nisë bllokadën ushtarake dhe të zhvendosë me forcë banorët e qytetit të Gazës. Gjithashtu pas afatit 7 tetor 2025, pritet që ushtria izraelite të bllokojë qytetin dhe të përshkallëzojë sulmet.
Ndërkohë shumë banorë jetojnë në çadra apo ndërtesa të shkatërruara nga sulmet ajrore.
