Lucas Chevalier pritet të jetë portieri i ri i Paris Saint-Germain, duke e lënë Gianluigi Donnarummën jashtë planeve të klubit kampion të Europës.
Italiani ka edhe një vit kontratë, por mungesa e rinovimit dhe refuzimi i tij për të pranuar pagën me bonuse sipas skemës së re të klubit, kanë çuar në ndarjen e pashmangshme.
Luis Enrique kërkon një portier që di të ndërtojë lojën me topin, dhe Chevalier i Lille përputhet me këtë profil.
Sipas ESPN, Donnarumma është tashmë në treg dhe agjenti i tij, Enzo Raiola, ka pasur kontakte me Chelsea, Manchester United dhe madje edhe Interin e trajnerit Chivu.
Një transferim i bujshëm pritet brenda gushtit.
