Kryetari i Grupit Parlamentar të Partisë Demokratike, Gazment Bardhi, ka reaguar ashpër ndaj zhvillimeve të fundit te News24, duke i cilësuar si një akt të motivuar politik dhe individial.
Bardhi ka risjellë një shkrim të publikuar më 8 gusht nga Gazeta Shqiptare, në pronësi të Focus Group Media, që sipas tij ka shkaktuar “hakmarrjen” e menjëhershme ndaj mediave kritike.
Sipas tij, një urdhër i shoqërisë shtetërore KAYO sh.a., nën drejtimin e Ermal Nufit (drejtori i kabinetit të Belinda Ballukut), u dha mëngjesin e 9 gushtit për rrethimin e ambienteve të News24, Balkanweb, Gazeta Shqiptare dhe Panorama—pavarësisht se shumica e tyre operojnë me qera deri në vitin 2033 nga MEKI.
Bardhi e konsideron këtë veprim si një përpjekje për të heshtur zërat kritikë dhe akuzon Ballukun dhe strukturat e saj për kapje të shtetit.
