Që në orët e para të mëngjesit, avioni “Canadair” CL-415 i ardhur nga Kroacia ka nisur ndërhyrjen nga ajri për të ndihmuar në izolimin dhe shuarjen e zjarrit në Synej të Rrogozhinës.
Ky mjet i specializuar për terrene të vështira po operon në koordinim me forcat vendase të emergjencës dhe zjarrfikësit në terren.
Edhe pse shirat e ditëve të fundit ndihmuan në shuarjen e disa vatrave problematike, vatra të reja janë aktivizuar. Strukturat shtetërore janë të angazhuara për t’i vënë nën kontroll, ndërkohë që çdo zjarrvënie e qëllimshme do të ndiqet penalisht, sipas ligjit në fuqi.
