Pesë gazetarë të Al Jazeera-s janë vrarë në një sulm izraelit pranë Spitalit Al-Shifa në Gaza. Ata ndodheshin në një tendë për media kur u goditën nga një sulm ajror.
Mes viktimave është edhe Anas al-Sharif, për të cilin ushtria izraelite tha se ishte pjesë e një qelize të Hamasit.
Al Jazeera e ka quajtur sulmin një “vrasje të qëllimshme” dhe sulm ndaj lirisë së shtypit.
Për shkak të kufizimeve, shumica e raportimeve nga Gaza bëhen nga gazetarët vendas, të cilët punojnë në kushte ekstreme rreziku.
