Kreu i Partisë Demokratike, Sali Berisha, ka denoncuar në një postim në Facebook lidhjet korruptive mes qeverisë dhe grupeve kriminale, duke akuzuar qeverinë për dhënien e lejeve të dyshimta për kulla të larta në Golem.
“Troplinët dhe kartelët e tjera, me lidhjet e tyre të ngushta me Ramaduron, siç e quajnë sot mediat e mëdha amerikane dhe botërore Edi Ramën, ka shndërruar Shqipërinë e vogël në lavatriçen më të madhe dhe më gjigante të parave të krimit në Europë.”
Sipas tij, karteli Çela–Çopja, i lidhur ngushtë me qeverinë, ka trafikuar 28 ton kokainë me vlerë 6 miliardë euro vetëm në një vit. Ai denoncon se qeveria ka dhënë leje ndërtimi për 5 kulla të mëdha në Golem në favor të pronarëve të Resortit Turistik “Klajdi”, ndërsa drejtoresha e AZHT, Adelajda Roko, ka lidhje të forta me këtë resort.
Berisha apelon që institucionet e drejtësisë të ndërhyjnë për të ndalur këtë aktivitet kriminal dhe për të mbrojtur interesat e vendit dhe qytetarëve.
