Kristjan Asllani është një nga emrat që mund të largohet nga Interi gjatë këtij afati kalimtar veror.
Pas refuzimeve nga Real Betis dhe Sassuolo, është Torino që ka bërë një lëvizje konkrete për mesfushorin e Kombëtares shqiptare.
Sipas mediave italiane, klubi “Granata” ka kërkuar përforcime në mesfushë për trajnerin Baroni dhe Asllani shihet si një opsion serioz.
Aktualisht pritet përgjigjja e Interit për të parë nëse një marrëveshje është e mundur.
23-vjeçari është vlerësuar për potencialin dhe disiplinën taktike, por konkurrenca në mesfushën zikaltër e ka kufizuar hapësirën e tij në sezonin e kaluar.
