Një ngjarje e trishtë ka ndodhur sot në plazhin e vjetër të qytetit të Vlorës, ku një 70-vjeçar është gjetur i mbytur në det.
Viktima dyshohet të ketë qenë pushues, por ende nuk dihet nëse ai ishte banor i zonës apo turist.
Shkaqet e ngjarjes mbeten ende të paqarta, ndërsa dyshimet janë se mund të ketë pësuar një mbytje aksidentale ose një arrest kardiak.
Forcat e policisë dhe autoambulanca mbërritën menjëherë në vendngjarje dhe transportuan trupin e viktimës drejt morgut të spitalit rajonal të Vlorës.
