Drejtori i Përgjithshëm i MZSH-së, Arben Cara ka reaguar në lidhje me zjarret që kanë pushtuar vendin tonë gjatë ditëve të fundit.
Cara tha se shumë bashki nuk kanë siguruar ende kushtet minimale për funksionimin e forcave zjarrfikëse. Ai tha se për këtë arsye nuk ka reagim në kohë ndaj emergjencave.
Cara shtoi se mjetet e pakta dhe mungesa e uniformave të standardizuara po rrezikojnë jo vetëm efikasitetin e operacioneve, por edhe sigurinë e vetë zjarrfikësve.
“Ka mangësi serioze në pajisjet dhe uniformat e zjarrfikësve. Uniformat nuk përputhen me standardet dhe nuk ofrojnë mbrojtjen e nevojshme. Kjo është një çështje që kërkon reflektim dhe ndërhyrje të menjëhershme”, u shpreh ai.
