Kolegji Zgjedhor pranë Gjykatës së Tiranës ka shtyrë për në datë 25 gusht shqyrtimin e padisë së Adriatik Lapaj ndaj KAS dhe KQZ.
Lapaj kërkon mandatin e deputetit nga koalicioni “Nisma Shqipëria Bëhet” për qarkun e Tiranës, pas vendimeve të këtyre institucioneve që e lanë pa mandat.
Shkak për shtyrjen e seancës ishte mungesa e dy gjyqtareve për shkak të lejes vjetore.
Lapaj ka ankimuar vendimet e KQZ dhe KAS, duke kërkuar që të njihet si fitues i listës së hapur me votat preferenciale.
Kolegji Zgjedhor do ta shqyrtojë padinë më 25 gusht në orën 10:00.
