Situata me problematike nga zjarret paraqitet në Delvinë. Sot për herë të parë ka ndërhyrë edhe avioni “Canadair” nga Italia.
Për shkak të erës dhe thatësirës, flakët në këtë zonë po përhapen me shpejtësi edhe drejt lagjes Papuçi, drejt fshatit Rusan në periferi në jug të qytetit dhe drejt malit të Sopotit në veri.
Ndërkohë në terren prej disa orësh po punojnë mjetet zjarrfikëse dhe efektivët të mbështetur nga ajri dhe në bashkëpunim me strukturat lokale të emergjencave civile dhe Policinë e Shtetit.
