Gjatë këtij viti zjarret në vendin tonë po shkaktojnë dëme të mëdha duke thyer rekord në dekadat e fundit. Vatrat e zjarrit janë në zonat si Delvina, Poliçani dhe Gramshi. Në ato zona janë djegur masive pyjore, si dhe flakët po rrezikojnë edhe zonat e banuara.
Sistemi Evropian për Zjarret në Pyje thotë se deri më tani në Shqipëri janë shkrumbuar 49 mijë hektarë pyje me 93 vatra zjarri të identifikuara. Ndërkohë që vitin e kaluar u dogjën në total 46.6 mijë hektarë.
