Situata e zjarrit në Poliçan po vijon të jetë alarmante. Ekipet e emergjencave civile po vijojnë me evakuimin e banorëve në fshatin Plashnik të Poliçanit. Disa nga banorët nuk pranojnë që të evakuohen dhe të braktisin shtëpitë dhe bagëtitë.
“Zjarri ka përfshirë pothuajse të gjithë njësinë, e gjitha kjo gryka, që në Tepelenë deri në kufi me Veleshnjën. Janë rreth 15 shtëpi të banuara, gjithsej janë 30-40 banesa”, shprehet për mediat kryetari i Bashkisë Poliçan, Adriatik Zotkaj.
