Deputeti Erion Braçe ka bërë një apel të fortë për kujdes maksimal në kushtet e temperaturave përvëluese dhe rrezikut të lartë nga zjarret.
Ai kërkon që qytetarët të mos ndezin zjarre për asnjë arsye, as në oborre, as për zgarë, si dhe të shmangin hedhjen e bishtave të cigareve apo thyerjen e shisheve në ambiente me bar të thatë.
“Janë gjëra të thjeshta që mund të shpëtojnë jetë, ekonomi dhe natyrë”, tha Braçe, duke përmendur rastet dramatike në Delvinë, Gramsh e Finiq si shembuj alarmues.
