Nesër do të mbahet takimi i shumëpritur mes presidentit të SHBA, Donald Trump dhe homolugut rus, Vladimir Putin. Trump ka folur nga Zyra Ovale për pritshmëritë që ka nga ky dialog.
“Do të shohim çfarë do të ndodhë, kemi një takim të rëndësishëm.”, u përgjigj Trump.
Ai shtoi: “Besoj se do të jetë shumë i rëndësishëm për Rusinë, por edhe për ne, sepse do të shpëtojmë shumë jetë njerëzish.”
Trump u shpreh se nëse takimi nuk do të shkojë mirë do të mbarë shumë shpejt.
“Nëse është një takim i keq, do të mbarojë shumë shpejt. Nëse është i mirë, atëherë paqja do të vijë shumë shpejt.”, tha ai.
Presidenti amerikan theksoi se takimi i nesërm është vetëm hapi i parë.
“Do të jetë një takim i mirë, por takimi më i rëndësishëm do të jetë ai i dyti që do të kemi.”, nënvizoi Trump.
