Autoriteti Kombëtar i Veterinarisë dhe Mbrojtjes së Bimëve ka ngritur grupe pune për të monitoruar gjendjen e fermave në bashkitë Delvinë, Finiq dhe Gramsh, të prekura nga zjarret.
Në Finiq janë dëmtuar kullota, ullishte dhe një stallë me 4 viça, ndërsa janë djegur mbi 190 zgjoje bletësh.
Në Delvinë, dyshohet për djegien e një ferme me 25 krerë të imtash dhe 500 zgjoje bletësh.
Në Gramsh janë regjistruar humbje në bagëti dhe bletë, përfshirë 9 gjedh, 95 krerë të imtash dhe 50 zgjoje.
Deri tani janë groposur 39 krerë sipas protokolleve veterinare.
AKVMB apelon për bashkëpunim të ngushtë me fermerët për mbrojtjen e shëndetit të kafshëve.
