56-vjeçari Pëllumb Troçi nga Elbasani u gjet i pajetë mbrëmjen e djeshme. Trupi i tij u gjet në ujërat e kanionit dhe u nxor nga polumbarët e Repartit Special “RENEA”.
Ai ishte larguar nga banesa për të kërkuar qenin që ruante bagëtitë, i cili kishte humbur në mal.
Grupi hetimor ndodhet në vendngjarje dhe po punon për të dokumentuar plotësisht rrethanat e aksidentit. Nga hetimet paraprake, ngjarja po trajtohet si aksidentale.
Ndërsa materialet procedurale janë referuar Prokurorisë për veprime të mëtejshme.
