Një person ka humbur jetën dhe disa të tjerë janë plagosur pasi një tren doli nga shinat pas përplasjes me një automjet në jug të Danimarkës, njoftoi policia lokale.
Sipas raportimeve, në tren ndodheshin 95 pasagjerë në momentin e aksidentit.
Pamjet nga vendngjarja tregojnë një vagon të trenit të përmbysur në anë të hekurudhës. Dy nga të plagosurit janë dërguar me helikopter në spital për trajtim urgjent.
Aksidenti ndodhi në një kalim rrugor, njoftoi operatori kombëtar hekurudhor Banedanmark në rrjetin social X.
