Mosarritja e një marrëveshjeje mes Donald Trump dhe Vladimir Putin në samitin e Alaskës mund të sjellë pasoja për Kinën.
Nëse Trump vendos të rrisë sanksionet dhe tarifat ndaj Rusisë, si formë presioni ndaj Putinit, ekonomia kineze – tashmë e ngadalësuar – pritet të ndikohet rëndë.
Kina, blerësi më i madh i naftës ruse, mund të jetë objektivi kryesor i tarifave të reja amerikane.
Trump është zotuar të vendosë taksa ndaj importeve nga vendet që mbështesin Rusinë ekonomikisht.
Një skenar i ngjashëm ndodhi më parë me Indinë, e cila u godit me tarifa shtesë prej 25% pasi vazhdoi importet nga Moska.
Ndërkohë, bisedimet për një marrëveshje tregtare mes SHBA-së dhe Kinës mbeten të pasigurta, teksa tensionet ekonomike mes dy fuqive po rriten.
