Ekipi Kombëtar U-21 i Shqipërisë do të zhvillojë një ndeshje miqësore ndaj Zvicrës U-21 më 8 shtator 2025.
Lajmi është konfirmuar nga Departamenti i Komunikimit në FSHF, i cili njoftoi edhe orarin dhe vendin e zhvillimit të përballjes.
Ndeshja do të luhet në stadiumin “Brügglifeld” në qytetin e Aaraut, me fillim në orën 18:30.
Kjo do të jetë miqësorja e dytë e kuqezinjve në muajin shtator, pas sfidës së planifikuar ndaj Gjermanisë U-21 më 5 shtator, që do të zhvillohet në “Elbasan Arena”.
Të dyja takimet janë pjesë e përgatitjeve të ekipit për kompeticionet e ardhshme dhe shërbejnë si mundësi për të testuar dhe forcuar skuadrën e re kombëtare.
