Presidenti i SHBA-së, Donald Trump, deklaroi se homologu i tij kinez, Xi Jinping, i ka garantuar se Kina nuk do të pushtojë Tajvanin për sa kohë ai është në detyrë.
Komentet u bënë në një intervistë për Fox News, pak para takimit të tij me presidentin rus Vladimir Putin mbi luftën në Ukrainë.
“Presidenti Xi më tha se nuk do të ketë pushtim të Tajvanit sa kohë që unë jam president,” u shpreh Trump, duke shtuar se situata është “shumë e ngjashme me atë mes Rusisë dhe Ukrainës”.
Ai nuk dha detaje të tjera, por la të kuptohej se prania e tij në Shtëpinë e Bardhë është një faktor frenues ndaj veprimeve agresive nga Pekini.
