Gjykata e Apelit në Bosnje dhe Hercegovinë ka hedhur poshtë ankesën e Milorad Dodik, duke konfirmuar vendimin e Komisionit Qendror të Zgjedhjeve për shkarkimin e tij nga posti i presidentit të Republikës Srpska.
KQZ tashmë pritet të shpallë zgjedhje të parakohshme për zëvendësimin e tij, megjithëse Dodik kundërshton vendimin dhe ka paralajmëruar një referendum në fund të shtatorit për ta sfiduar atë.
Ai njoftoi gjithashtu një votim të dytë për shkëputjen e entitetit serb nga Bosnja, duke rritur tensionet politike në vend.
