Presidenti amerikan Donald Trump deklaroi se nuk është domosdoshmërisht i nevojshëm një armëpushim për të arritur një marrëveshje paqeje në Ukrainë.
Ai përmendi gjashtë marrëveshjet që ka arritur gjatë këtij viti, të cilat, sipas tij, janë realizuar ndërsa konfliktet vazhdonin, pa një ndërprerje zyrtare të luftimeve.
Trump shtoi se megjithëse armëpushimi është një koncept i mirë, ai e kupton pse njëra palë mund të mos dëshirojë një të tillë, pasi gjatë tij mund të ketë rindërtim dhe përgatitje.
Ai përfundoi duke thënë se është i hapur për një marrëveshje paqësore që mund të punohet edhe ndërkohë që luftimet vazhdojnë.
