Një burrë 47-vjeçar me origjinë shqiptare ndërroi jetë të dielën në mbrëmje në Sant’Olcese, një zonë kodrinore pranë Xhenovës në Itali, pas ndërhyrjes së karabinierëve.
Dyshohet se përdorimi i armës elektrike, e njohur si tazer, mund të ketë shkaktuar një arrest kardiak te ai.
Prokurorja Paola Calleri ka hapur një hetim për vrasje të paqëllimshme dhe ka urdhëruar kryerjen e autopsisë për të kuptuar më mirë se si ndodhi ngjarja.
Ky incident vjen pak kohë pas një rasti të ngjashëm në Olbia, ku një burrë 57-vjeçar po ashtu humbi jetën pas përdorimit të tazerit nga policia.
