Illia Zabarnyi, përforcimi më i ri i Paris Saint-Germain, ndodhet në qendër të vëmendjes jo për performancën në fushë, por për një situatë delikate jashtë saj.
Pak ditë pas prezantimit, bashkëshortja e tij, Angelina Zabarnyi, publikoi mesazhe të forta në rrjetet sociale me tone të ashpra kundër rusëve, duke shkaktuar reagime të shumta në Francë.
Edhe pse postimet u fshinë shpejt, ato kanë ngritur shqetësime për klimën në dhomat e zhveshjes së PSG-së, sidomos për marrëdhënien me portierin rus Matvey Safonov.
Klubi po përpiqet të menaxhojë situatën për të shmangur ndikimin e tensioneve politike në grupin e lojtarëve, në një sezon ku stabiliteti është kyç për suksesin.
