Në fshatin Ndërnënas të Libofshës ka ndodhur një aksident, ku drejtuesi i mjetit ka humbur kontrollin dhe është përplasur me murin rrethues të një banese.
Si pasojë, dy persona kanë mbetur të plagosur dhe janë dërguar menjëherë në Spitalin Rajonal Fier.
Njëri prej tyre po i nënshtrohet një ndërhyrjeje kirurgjikale për shkak të dëmtimeve të rënda.
Policia dhe grupi hetimor ndodhen në vendngjarje për të zbardhur shkaqet e aksidentit.
