E ngarkuara me punë në Ambasadën Amerikane në Kosovë, Anu Prattipati, ka shprehur shqetësimin e SHBA-ve për mundësinë e përjashtimit të disa partive serbe nga zgjedhjet lokale të 12 tetorit.
Pas një takimi me kryeministrin në detyrë, Albin Kurti, diplomatja amerikane tha se është jetike që serbët e Kosovës të marrin pjesë në procesin zgjedhor.
Ajo theksoi se SHBA mbështet të drejtën e çdo qytetari për të zgjedhur përfaqësuesit e vet dhe kundërshton çdo përpjekje që mund të kufizojë këtë të drejtë.
“Këto mesazhe ia përcolla drejtpërdrejt kryeministrit,” u shpreh Prattipati.
