Një vatër e re zjarri është aktivizuar në pyjet pranë fshatit Kryezi në zonën e Podinave, Fushë-Arrëz.
Flakët po përhapen me shpejtësi për shkak të erërave të forta, duke përfshirë sipërfaqe me pisha të zeza.
Në terren janë nisur shërbimet zjarrfikëse dhe ato pyjore, ndërsa Bashkia Fushë-Arrëz ka kërkuar ndërhyrje të menjëhershme nga ajri për të shmangur përkeqësimin e situatës.
Autoritetet lokale u bëjnë apel banorëve që të ndihmojnë në kontrollin e zjarrit dhe të ndjekin udhëzimet e emergjencës.
