Gjykata e Fierit ka caktuar masën e sigurisë “arrest me burg” për 25-vjeçarin Xhesion Toromenin, i dyshuar për vrasjen e Besmir Kumrisë, ngjarje e ndodhur më 19 gusht në fshatin Kryekuq të Divjakës.
Viktima, 32 vjeç, u godit dy herë me thikë pas një konflikti për një kanal vaditës dhe ndërroi jetë pavarësisht përpjekjeve të miqve për ta shpëtuar.
Autori u largua nga vendngjarja, por u arrestua pas ndjekjes së policisë.
Sipas hetimeve, mosmarrëveshjet mes familjeve kanë zgjatur prej vitesh, megjithëse motivet e sakta të ngjarjes mbeten ende të paqarta.
