Ramadan Zoto, i njohur si “Dane”, është arrestuar nga policia në qytetin e Korçës pas disa javësh në arrati.
Ai ishte shpallur në kërkim për plagosjen me armë zjarri të dy të rinjve nga Kamza, Gëzim Hajdaraj dhe Ernest Lama, ngjarje e ndodhur në Sarandë në korrik 2025.
Ngjarja dyshohet se lidhet me një konflikt të mëparshëm mes palëve.
Në momentin e ndalimit, Zoto shoqërohej nga Arben Ismailaj, mik i tij dhe bashkëvuajtës në një burg grek.
Edhe Ismailaj u arrestua, pasi më herët, më 17 gusht, në banesën e tij në Fier u sekuestrua një arsenal armësh, përfshirë automatik, pistoleta, silenciator dhe sasi të madhe municioni.
Ai akuzohet për mbajtje pa leje të armëve luftarake dhe municionit.
