Policia ka arrestuar në Korçë Ramadan Zoton, 43 vjeç, i shpallur në kërkim për plagosjen me armë të dy personave në Sarandë, më 17 korrik 2025. Ai u kap i armatosur, në kuadër të operacionit “Stuhia”.
Në pranga ra edhe Arben Ismailaj, 50 vjeç nga Fieri, që strehoi Zoton dhe ndihmoi në fshehjen e tij.
Nga kontrolli në banesën e Ismailajt u sekuestrua një arsenal armësh: 4 pistoleta, 1 automatik, silenciator, dylbi nate, dron dhe 600 fishekë luftarakë.
Të dy do të përballen me akuza të rënda për tentativë vrasjeje dhe armëmbajtje pa leje.
