Pas përfundimit të pushimeve në Shqipëri, në portin e Vlorës ka nisur fluksi i kthimit drejt Italisë dhe vendeve të tjera të Bashkimit Europian.
Dhjetëditëshi i dytë i gushtit shënon zakonisht një numër të lartë pasagjerësh, kryesisht emigrantë që vizitojnë vendlindjen pranë familjarëve.
Shqiptarët që jetojnë në Itali përbëjnë grupin më të madh të udhëtarëve në portin e Vlorës, duke shfrytëzuar çdo vit pushimet për të rikthyer lidhjet me Shqipërinë, e cila po ndryshon dukshëm.
Në të njëjtën kohë, edhe turistët italianë që kanë zgjedhur Shqipërinë për pushime kalojnë përmes këtij porti.
