Raportet për dyshimet mbi kredencialet akademike të Ministrit të Jashtëm turk, Hakan Fidan, kanë shkaktuar një krizë politike në vend.
Opozita e quan rastin një “krizë besueshmërie shtetërore”, ndërsa qeveria i quan akuzat një “fushatë shpifjeje” nga rrjeti FETÖ.
Dyshimet nisën pas vlerësimeve se tezat e masterit të Fidanit në Universitetin Bilkent nuk ishin të shkruara prej tij, ndërsa në 2025 u vunë në diskutim edhe diploma e tij universitare nga Universiteti i Maryland-it në SHBA, ku thuhet se nuk ekzistonte programi që ai pretendon të ketë ndjekur.
Ministria e Jashtme hodhi poshtë akuzat dhe publikoi dokumente që konfirmojnë legjitimitetin e kualifikimeve të tij. Rasti po merr përmasa më të mëdha, pasi lidhet edhe me një skandal të gjerë falsifikimi diplomash në administratën shtetërore.
