Ushtria izraelite sulmoi këtë të dielë kryeqytetin e Jemenit, Sanaan, duke goditur një impiant nafte, një central elektrik dhe një kompleks presidencial.
Sulmi u zhvillua si përgjigje ndaj sulmeve të fundit nga grupi militant Houthi, i mbështetur nga Irani, i cili kishte sulmuar Izraelin me raketa balistike dhe dronë.
Të paktën dy persona humbën jetën dhe 35 u plagosën. Rrebelët Houthi e konsideruan sulmin një “krim lufte” dhe premtuan të vazhdojnë operacionet në mbështetje të palestinezëve në Gaza.
Tensionet në rajon vijojnë të rriten ndërsa lufta në Lindjen e Mesme përshkallëzohet.
