Deputetja e PDK-së, Vlora Çitaku akuzoi sot se Lëvizja Vetëvendosje nuk dëshiron bashkëpunim për formimin e institucioneve. Sipas saj PDK-ja ka qenë konsistente për të bashkëpunuar me partitë e tjera duke përfshirë LVV-në që institucionet të konstituohen sa më parë.
“PDK që nga dita e parë ka qenë konsistente dhe i ka kontribuar aktivisht frymës së bashkëpunimit në mënyrë që institucionet e Kosovës të konstituohen sa më parë. Fatkeqësisht kemi pasur një qasje të papërgjegjshme nga grupi i parë parlamentar, është tashmë shumë evidente që ata nuk duan bashkëpunim, nuk duan bashkëvendim, kërkojnë nënshtrim nga deputetët e Parlamentit të Kosovës, që t’i koordinohemi vullnetit dhe të papërgjegjësisë së Albin Kurtit”, tha ajo.
Kurti vendos tre emra, të gjithë dështojnë, kriza vazhdon në Kosovë
