Deputeti i PS-së, Erion Braçe, ka denoncuar në rrjetet sociale një rast përndjekjeje ndaj një mjekeje në ambientin e saj të punës.
Ai publikoi një video ku shihet një person që ngjitet në tarracën e një ndërtese të paligjshme, duke përgjuar përmes kamerave mjeken dhe pacientët e saj.
Braçe akuzon policinë se nuk ka ndërmarrë asnjë veprim, ndonëse është njoftuar.
Sipas tij, godina ku ndodhet kamera është ndërtuar në hapësirë publike dhe është legalizuar në mënyrë të paligjshme.
Deputeti kërkon hetim për ndërtimin, zyrtarët që kanë firmosur legalizimin dhe ndërprerje të menjëhershme të përndjekjes.
