Kryetari i koalicionit “Nisma Shqipëria”, Adriatik Lapaj deklaroi se ndihet i tradhtuar nga Endri Shabani, ish-miku i tij prej 12 vitesh.
“Shabani ka ngrënë bukë në shtëpinë time dhe nuk e prisja këtë nga ai,” tha Lapaj.
Ai shtoi se beteja e tyre ka qenë për lista të hapura dhe përfaqësimin e votuesve, jo për mandatin personal: “Nëse do të doja që të isha në atë parlament, do e kisha të thjeshtë, sepse kam firmosur unë atë listë.” Lapaj theksoi se do të qëndrojë besnik ndaj parimeve të tij dhe se përpjekjet do të vazhdojnë jashtë parlamentit: “Beteja jonë nuk do jetë në parlament, ”, deklaroi në një intervistë për News24.
