Kryetari i PD-së, Sali Berisha deklaroi sot se opozita në shtator në parlamentin e ri do të kërkojë ngrirjen e një komisioni hetimor parlamentar për zgjedhjet e 11 Majit, të cilat theksoi edhe njëherë se nuk i njeh.
“Një gjë është e sigurt që këto zgjedhje nuk do ti njohë kurrë, unë e kuptoj por të imagjinosh të njohësh këto zgjedhje do të thotë të bëhesh bashkëpunëtor në krim. Unë deklaroj se çdo shqiptarë çdo opozitar që mendon se mund të tolerojë këto zgjedhje shkelmon për idealin e votës së lirë” tha ai.
