Policia Kufitare e Vlorës ndërhyri shpejt për të ndihmuar disa pushues që u rrezikuan gjatë lundrimit me mjetet e tyre në Sarandë dhe Palasë.
Pas njoftimeve për defekt në një jaht maltez pranë Gjirit të Sarandës dhe për turistë të rrezikuar nga kushtet e vështira të detit në Shën Andre, policia ndërhyri me mjete lundruese dhe i shoqëroi pushuesit dhe anijet në breg në mënyrë të sigurt.
Falë reagimit të shpejtë, u evitua rreziku për jetën e turistëve dhe u ruajt siguria e mjeteve.
