Një stuhi e fuqishme me shira të rrëmbyer, erëra mbi 100 km/orë dhe breshër ka goditur rajonet turistike të Emilia-Romagnas, duke shkaktuar dëme të konsiderueshme në Rimini dhe Ravenë.
Rreth 300 pemë janë rrëzuar në Milano Marittima, ku janë dëmtuar edhe makina të parkuara, por pa raportime për të lënduar.
Autoritetet po përgatiten për shpalljen e gjendjes së emergjencës rajonale, ndërsa ekipet e zjarrfikësve punojnë për pastrimin e zonave.
Plazhet janë dëmtuar rëndë, me çadra dhe tenda të thyera, ndërsa Departamenti i Mbrojtjes Civile ka nxjerrë alarm të verdhë për rajonin.
