Presidenti amerikan Donald Trump ka përsëritur angazhimin e tij për t’i dhënë fund luftës në Ukrainë, gjatë një deklarate nga Shtëpia e Bardhë.
Ai konfirmoi se ka zhvilluar një bisedë me presidentin rus Vladimir Putin, ku është diskutuar edhe për armët bërthamore dhe situatën e sigurisë në rajon.
Trump tha se Shtetet e Bashkuara nuk do të japin më fonde për Ukrainën, duke theksuar se për çështjen e garancive të sigurisë, ai po bisedon me NATO-n dhe jo me Kievin.
“Për Ukrainën, nuk do të shpenzojmë më para.
Po punoj me NATO-n për të gjetur një zgjidhje. Nuk kam nevojë të flas me Zelenskyn,” u shpreh Trump.
Ai shtoi gjithashtu se presidenti rus Putin nuk është i gatshëm të takohet me liderin ukrainas Volodymyr Zelensky, duke pohuar se “nuk e pëlqen atë”.
