Autoritetet franceze kanë arrestuar dy të mitur, 15 dhe 17 vjeç, të cilët dyshohet se planifikonin sulme terroriste në Paris, me objektiva sinagoga dhe Kullën Eiffel.
Sipas të dhënave të publikuara nga “Le Figaro”, të rinjtë ishin pjesë e një grupi online të lidhur me propagandën e ISIS dhe po përgatiteshin për veprime konkrete, përfshirë blerjen e armëve në “dark web”.
Të dy ndodhen në hetim për përfshirje në organizatë kriminale me qëllime terroriste, përhapje të propagandës xhihadiste dhe tentativë për të udhëtuar drejt zonave të luftës. Arrestimet u bënë në fund të korrikut në zonën e Parisit.
