Presidenti amerikan Donald Trump është shprehur i gatshëm të vendosë sanksione të reja ekonomike ndaj Rusisë, nëse Vladimir Putin nuk pranon një marrëveshje armëpushimi me Ukrainën.
“Do të jetë një luftë ekonomike, jo një luftë botërore,” tha Trump, duke paralajmëruar pasoja të rënda për Rusinë nëse nuk ndalet lufta.
Ai shtoi se ende shpreson për një zgjidhje paqësore dhe nuk dëshiron të veprojë menjëherë me tarifa apo sanksione.
Trump komentoi gjithashtu edhe për presidentin ukrainas Zelensky, duke lënë të kuptohet se “nuk është i pafajshëm” në këtë konflikt.
