Gjatë natës së kaluar, Kievi u godit nga një sulm masiv rus, ku humbën jetën katër persona, përfshirë dy fëmijë, dhe u plagosën të paktën 24 të tjerë.
Kryebashkiaku Vitali Klitschko e përshkroi bombardimin si një nga më të rëndët kohët e fundit.
Një ndërtesë pesëkatëshe u shemb në rrethin Darnytski, ndërsa në zonën Dnipro shpërtheu zjarr në një godinë banimi.
Më shumë se 20 rrethe të qytetit u prekën, përfshirë një kopsht fëmijësh.
Sulmi ndodhi vetëm një ditë pasi mbi 100,000 shtëpi në Ukrainë mbetën pa energji për shkak të goditjeve ndaj infrastrukturës energjetike.
Mediat raportojnë se ofensiva e natës ishte e planifikuar mirë, me mbi 150 dronë të lëshuar në dy valë.
